يابحر فيني من الحزن كثر مافيك

<BLOCKQUOTE class="postcontent restore ">يابحر فيني من الحزن كثر مافيـك
من حزن وأوجاع وغياب وغرايـب
لاتلومني إليا شفتني دايـم أجيـك
ولاشفتني دايم على الشـط ذايـب
حزني كبير أكبر من حدود شاطيـك
وأقسى من جروح الزمان العطايـب
وإن كان تنشدني فأنا مقدر أخفيـك
دايم اظـن ويطلـع الظـن خايـب
في هالزمن أقرب حبايبـك يشقيـك
إلين تدفـع فـي غـلاه الضرايـب
من بعد هذا يبتعد عنـك ويجفيـك
ماكنه بجنبك قضى الوقـت طايـب
وإلا الخوي اللـي توقعـت يفديـك
يفديك عمره لاغـدت بـك نشايـب
صد وتصدد مايبي سمـع طاريـك
وياما أنت دونه أتعبتـك الطلايـب
لاتقول لي بدري وتـوك ويمديـك
وتعال وأسمع باقي الهرج صايـب
خلك بحالك وأطلب الـرب يهديـك
ولاتنشد اللي غاب وين أنت غايـب
وإن شفتني غايب عن حدود شاطيك
أعرف تراني تحت ذيـك النصايـب
وأعرف تراني دايم إن ضقت بآجيك
لأني أنا والمـوج صرنـا حبايـب </BLOCKQUOTE>